Cristy Fermin, saksi raw na hindi lang isang beses naging third party si Regine Velasquez

Hot topic sa programa ng entertainment columnist na si Cristy Fermin ang pagiging sangkot ni Regine Velasquez sa relasyon ng ilang showbiz couple. 

Kamakailan lamang nang mag-viral Ang video ni Regine kung saan ibinahagi nito sa morning show na 'Magandang Buhay' na minsan siyang naging third party sa isang relasyon. 

Sa nasabing episode, inamin ni Regine na third party siya sa dating relasyon ng kanyang asawang si Ogie Alcasid at ni Michelle van Eimeren.

Ayon sa kanya, bagamat ayos naman na raw ang lahat sa pagitan nilang tatlo at sa kanilang mga anak, hanggang ngayon daw ay nalulungkot pa rin siya kapag naaalala Kung paano sila nagsimula ni Ogie. 

Pinagsisisihan niya raw na naghiwalay at natapos ang relasyon ng dalawa dahil sa kanya. 

Kaya naman sa latest vlog ng ‘Showbiz Now Na,’ isiniwalat ni Cristy Fermin na hindi lamang isang beses naging third party si Regine. 

Ayon sa kanya, bago pa raw nasira si Ogie at Michelle, nauna na raw na umeksena si Regine sa relasyon nina Ariel Rivera at Gelli de Belen.

Hindi pa raw doon natatapos dahil muli na namang nasangkot ang singer sa relasyon nina Janno Gibbs at Bing Loyzaga. Muntik din maghiwalay ang mag asawa dahil Kay Regine noon.

Lahad pa ni Femin, “Kasal na si Bing Loyzaga at Janno Gibbs, may anak na, umentra na naman itong si Regine."